Page 2 of 3

Voorbereide Harte

November 10, 2021 / aebadmin

Dierbare Vriende
Ons vertrou dat dit goed gaan met u elkeen. Baie dankie vir u volgehoue gebede en ondersteuning. Ons het onlangs verneem van die heengaan van Mnr. Stoffel Mcloud. Hy het diep spore in die AEB getrap en was ‘n geliefde en gerespekteerde werker in die AEB. Ons sal hom altyd onthou vir sy wandel met die Here, sy onwrikbare geloof in die Here, maar ook sy kosbare humorsin. Mag die Here sy familie vertroos in die tyd.

VOORBEREIDE HARTE

Esra 7:6-10 “… vaardig in die wet van Moses…want Esra het sy hart daarop gerig om die wet van die HERE te ondersoek en te betrag, en om Israel die insettinge en verordeninge te leer.”

Voorbereiding van die hart – Wanneer ‘n man sy hart daarop rig om die Woord van die Here te soek, dit te doen en te leer aan ander, dan het ‘n groot herlewing reeds begin. Die mens moet eers oorgegee wees aan die Here voordat ons lewens van enige nut kan wees vir Hom. Spreuke 16:1 “Die planne van die hart is van die mens”.
Die hand van die Here was op Esra. v. 6 “die koning het, omdat die hand van die Here sy God oor hom was, al sy begeertes ingewillig”. Die alles oorwinnende Hand is die metgesel van die voorbereide hart,
Voorsiening – “al sy begeertes ingewillig” en v. 21 “… dat alles wat Esra… van julle vra, sorgvuldig gedoen moet word”. Esra het sy hart voorberei en die Here het vir elke behoefte wat hy gehad het voorsien. “He never sends His servants a warfare on their own charges.”
Opdrag van die Here – Esra 7:25 “…Esra, volgens die wysheid van jou God wat jy besit, … almal wat die wette van jou God ken; en wie dit nie ken nie, moet julle dit leer”. Mal. 2:7 “Want die lippe van ‘n priester moet kennis bewaar, en uit sy mond word onderrig gesoek, want hy is ‘n boodskapper van die HERE van die leërskare. Rom. 10:17 – Geloof kom nie deur woorde van wysheid van mense nie, maar deur die Woord van God.
Ons lewe moet ooreenstem met ons getuienis: Esra 8:22 “Want ek is skaam om van die koning te vra …v23 so het ons dan gevas en onse God dit gevra en Hy het ons verhoor”. Wanneer ons hart op die Here gerig is, dan is Hy ons bron na wie ons gaan, die Rots in wie ons skuil.

GEBEDSVERSOEKE

7 November – Kuilsrivier diens
12 – 21 November – Sang veldtog in S-Gauteng met verskeie openinge by kerke
14 November – Strand diens
14-19 November Namibië kus Jeugweek openinge
21 November – Diploma diens Glenvar
23-25 November – Elnatan Jeugkamp Namibië
27 November – Diens Hebron
1-2 Desember – Pelgrim dienste Samekoms
3-5 Desember – Nasionale Konferensie – Samekoms, Middelburg, Mpumalanga.

“Every great movement of God can be traced to a kneeling figure” – DL Moody

NUUS UIT DIE VELD

OOS-KAAP: Terwyl ek op ŉ dorp werk sien ek iemand wat die Here op my hart lê. Toe ek met die man praat het hy telkemale vir my gevra hoe ek dié dinge van hom weet. Hy was in trane en ek kon vir hom ŉ traktaatjie gee. By ŉ rehabilitasie sentrum het ek die geleentheid om gereeld met mense te werk met groot behoefte en kon ons mense daar ook na die Here lei.

WES-KAAP: Die veldtog aan die Weskus was soos verlede jaar baie geseënd. Die gereelde opening elke dag by die Rehabilitasiesentrum was vir my ongetwyfeld weer die hoogtepunt. Die ontvanklikheid van die ongeveer 30 mans, hulle soeke na God en waardering vir die Woord is waarlik ‘n riem onder die hart. Die vrug op die arbeid daar, naamlik mense saam met wie ons na die tyd kon bid vir ‘n verskeidenheid van behoeftes, was ‘n baie groot bemoediging. Clanwilliam dag konferensie – Daar het ‘n mooi atmosfeer geheers waarin die Woord van God maklik in ons harte kon tuiskom.

NOORD-KAAP: Met die jeugaand kon beleef hoe die Here tot jongmense se harte kom spreek. ‘n Jong seun het my nommer kom vra en later sy behoefte, nood en desperaatheid gedeel en hulp gesoek. Bid asb. saam hoe om hierdie seun te help asook vir die kragtige werking van Jesus in sy lewe! Die Manne-ontbyt was ook gekenmerk deur die Here se teenwoordigheid . Een man het na die tyd getuig, hy het nie vanoggend maar net nog ‘n boodskap ontvang nie, maar ‘n Woord wat getref het en hy het nodig om introspeksie te gaan doen.

NOORDWES: By die een Kerk het die Here waarlik naby aan ons gekom, die Here se teenwoordigheid was so tasbaar dat die diaken spontaan in trane uitgebars het met die slotgebed in die konsistorie waar hy weer homself aan die Here gewy het. By ŉ ander gemeente het daar agt mense reageer na die diens en die een man was so bewoë dat hy nie eens ŉ woord kon uiter nie. ŉ Dame in dieselfde diens het ook daar weer opnuut met die Here ontmoet.

ORANJE-VRYSTAAT: By ‘n plaasgemeenskap kon ons hierdie jaar ŉ boere konferensie hou. By twee plaasskole kon ons begin met uitreik onder die kinders en plaas boeke verder. Die huismense kontak my ŉ rukkie later en die dame getuig dat sy die Here aangeneem het as haar Verlosser en Saligmaker. April jeugkamp – Met die getuienis geleentheid het die een na die ander jong mense getuig van wat die Here vir hulle gedoen het. Van hulle het getuig van redding, en twee van roeping vir voltydse diens en ook ŉ paar wat getuig het van heiligmaking.

SUID-GAUTENG: Ten spyte van persoonlike uitdagings het ons tog die Here vasgehou vir ‘n siel en 4 Maart het ek die voorreg gehad om ‘n ateïstiese man na die Here te lei. Wat ‘n voorreg om saam met daardie gebroke man te kon bid vir sy siel. Sy hele lewe lank het hy nie liefde geken nie, en met trane het hy bely en gesê: “Nou ken ek liefde!”

NOORD-GAUTENG: Vakansie Bybel skool – Wat ‘n voorreg was dit nie om onder die gemeente se las vir kindersiele in te klim nie. Slegs omtrent 10 van die 58 kinders was uit die gemeente se geledere en daarom was dit ‘n kosbare Evangelisasie uitreik na 48 kinders van elders in die dorp. Ons eer die Here vir Sy instaatstelling, Sy Woord, en hulle oop hartjies. 14 kinders het beslis gereageer deur die week en hulle hartjies voor God gebuig.

NAMIBIë: Ons plaas besoeke in die suide was tot ongelooflike seën. Elke boer by wie ons gestop het was ‘n uitgewerkte ontmoeting van die Here.

ORANJE-RIVIER: Ons het ‘n geleentheid om vir hawelose mense dienste te hou op party Sondae. Na een boodskap het twee mense reageer en getuig dat hulle die Here vertrou het om hulle te red. By ŉ kerk voor een diens het die Here ŉ ander boodskap op my hart gelê vir die geleentheid, en na die diens het daar ŉ dame agtergebly om met die Here reg te maak.

CONVENTION SPEAKER – JENNY DANIEL: I look back over the last 6 months with wonder, as I consider the places God allowed me to visit in the USA, as well as the testimonies shared of God’s dealings in lives. It was a huge adjustment not having Keith with me at each place, but during it all the thrill of what God is continuing to do in hearts because of previous messages and those available online was a huge encouragement. E-mails continue to reach sharing testimonies. This week, I will be speaking at a church’s end of year function for ladies in Cape Town itself DV at which they expect 50 to attend. Please pray for God’s unction.

In Sy Naam
Frans & Erica Gericke

Godsmanne van ons weggeruk

Maart 17, 2021 / aebadmin

Dierbare Vriende

Ons groet u met gebroke harte weens die skielike dood van Mnr. Keith Daniel. Ek deel graag met u ‘n paar gedagtes oor die dood van God se gunsgenote wat geskryf is deur AC Dixon.

Psalms 116:15
“Precious in the sight of the Lord is the death of His saints.”

As we see death, it means decay, removal, absence—things which we do not prize. But as God sees death, He beholds something really precious to Him and, we may justly infer, precious to us, for whatever is against us cannot be precious to our Father. We are looking at the wrong side of the tapestry, where all is tangle and confusion. God sees the right side, where the design is intelligent and the colours harmonious. We are without the veil, and see but the dim light through the curtain; within is the Shechinah glory. We stand in the dark, believing and hoping; God is in the light, seeing and knowing.

I. To God death means the opportunity to supply every need of His child. Health means conscious strength. While we are well, we may feel that we are equal to taking care of ourselves. Dying means absolute helplessness. Such is God’s opportunity. When physicians give up the case, He takes it up. After human help has failed, the Lord delights to be to us all that we need.

II. To God death means the most intimate communion. He rejoices to have all to Himself those whom He loves. He said of Israel, “I will allure her and bring her into the wilderness, and speak comfortably unto her.” No one else can help us die. Through the valley we must go alone—yet not alone, for Jesus accompanies.

III. To God death means rest. Jesus said, “Come unto Me,” etc. It was His delight to quiet the heart and give rest to the weary mind. The voice from heaven said, “Blessed are the dead,” etc. “There remaineth a rest,” etc. To us death looks like a rest of the body—the lifeless form no longer suffers; it sleeps until the waking on the resurrection morning. God sees the rest of soul, and the event which introduces His children into this restful state is precious to Him.

IV. To God death means larger life. Christ came to give life, and to give it more abundantly. Whatever imparts and increases the life of God’s people is of great value. While to us death seems to be the cessation of life, to God it is an increase of life. The last words of Drummond Burns were, “I have been dying for years, now I shall begin to live.” It is passing from the land of the dying into the land of the living.

V. To God death means joy. All through the Bible we are exhorted to “Rejoice, rejoice evermore!” The joy of His children is precious to God. Dying, Rutherford exclaimed, “I feed on manna; oh, for arms to embrace Him!” President Wingate, of Wake Forest College, whispered to his wife with his last breath, “I thought it would be sweet, but I did not think it would be sosweet as this.” It is passing from shadow into sunshine; from the discords of earth into the music of the celestial harps; from contraction into everlasting expansion.

VI. To God death means ministry to the living. Through death Jesus entered the family of the Jewish ruler, and the death of our friends often leads us to invite the Man of Sorrows to our homes. The departure of loved ones opens a window of heaven, and gives us a glimpse into the beyond; and in leaving us, they, in a very true sense, come to us. We appreciate them as we never did before; we see their virtues and forget their faults; they are to us transfigured, while everything about them shines with a peculiar glory. (A. C. Dixon, D.D.)

Godsmanne van ons weggeruk

Mnr Keith Daniel is gistermiddag op 6 Maart 2021 na ‘n siekbed van drie weke in ŉ Hospitaal in Kaapstad oorlede. Kinders van God vanuit verskeie dele van die wêreld het saam gebid vir Mnr Daniel, Jenny, Noël, Roy en Samuel en hul hande omhoog gehou in die gebed terwyl hulle almal deur hierdie diep waters gaan. Vir my persoonlik was dit so ‘n bemoediging om te kon sien hoeveel mense om hierdie geliefde man van God en sy familie verenig in die gebed en mekaar bemoedig met die beloftes van God. Ek eer die Here vir elke kosbare vriend wat saam met hulle staan in hierdie moontlik droewigste tyd in hulle lewe. Soveel kosbare getuienisse wat aan God die eer gee, is gedeel oor hierdie geliefde man van God se lewe en invloed.
Mnr Daniel was saam met sy opleiding vir 50jr deel van die AEB terwyl hy gedurende hierdie tyd gedien het as Superintendent van Natal en die Oos Kaap. Die grootste gedeelte van sy lewe was hy die AEB se Konferensie spreker. Sonder enige twyfel het sy wandel met God, sy liefde vir die Woord, sy getrouheid en sy empatie hom laat uitstaan as ‘n geliefde man van God. Feitlik elke getuienis wat oor hom gedeel is handel onder andere oor hoe hy mense bemoedig het en wat hy geestelik vir hulle beteken het. Vir baie mense was hy soos ‘n geestelike vader. Hy het dikwels die las van ander op hom geneem en daaroor gevas en gebid totdat God die uitkoms kom gee het. Ek dank die Here vir die voorreg wat ek gehad het om konferensies, dag konferensies en tydens ander geleenthede aan sy voete te kon sit, vir elke gesprek wat ek met hom kon gehad het en vir elke siel wat hy gehelp het om uit die duisternis die ewige lig te kon vind.
Nie alleen het ons ‘n kosbare medewerker verloor nie, maar ŉ ware vriend. Bid asb. vir Jenny, Roy, Noël, Samuel en die res van die familie.

Mnr. Johan de Bruin is einde Desember 2020 na ‘n kort siekbed aan Covid 19 oorlede. Hy was tot en met sy dood die Algemene Superintendent asook die Voorsitter van die Raad van die AEB. In albei hierdie poste het hy getrou en onbaatsugtig gedien. Sy geestelike wandel met God, sy gebedslewe, sy liefde vir die Woord en kosbare siele was uitstaande eienskappe van Mnr Johan de Bruin. Die twee poste waarin hy gedien het was ‘n geweldige verantwoordelikheid en ‘n uitdaging. Ons eer die Here vir ‘n man wat sy beste vir die Here gegee en vir alles wat hy vir die AEB gedoen en beteken het. Bid asb. saam vir Mev. Magda de Bruin en die res van die familie.

Mnr Frans Terblanche van Groblersdal is onlangs in ‘n motorongeluk oorlede. Vir baie geestelike werkers was Frans Terblanche ‘n vriend. Deur al die jare wat ons hom geken het was hy ‘n gereelde konferensie ganger en ondersteuner van die AEB. Frans was bekend vir sy liefde vir sy Hemelse Vader, sy heilige lewenswandel en opregtheid. Nooit het ek vir Frans sonder ‘n glimlag op sy gesig gesien nie. Ons het ‘n kosbare vriend in die Here verloor. Bid asb. ook vir Anelize, Rolize, Elizna en Hennie met hulle gesinne.

Mev. Miemie Saaiman van Riversdal is onlangs oorlede. Ons innige simpatie aan oom Hendrik en familie. Mag die Here self u vertroos en bemoedig in hierdie tyd.

NUWE AMPSDRAERS IN AEB

Mnr & Mev Joggie Swanepoel is onlangs as die nuwe Algemene Superintendent paar verkies.
Mnr Laurence Paulsen is as die Voorsitter van die Raad van die AEB verkies.
Ons glo met ons hele hart dat dit die keuse van die Here was vir ‘n tyd soos nou. Bid vir hulle terwyl daar ook ‘n groot verantwoordelikheid op hulle rus.

Bid ook baie spesifiek vir elke werker in die AEB terwyl die werksaamhede weer besig is om aan die gang te kom.

Mag die Here u elkeen ryklik seën.
Frans en Erica Gericke

Die kruisiging van Jesus

April 9, 2020 / aebadmin

Liewe Gebedsvriende
Ons groet u in die Wonderlike Naam van ons Verlosser. In hierdie uitsonderlike tyd in die geskiedenis waar bykans die hele wêreld met al sy bedrywighede bykans tot stilstand gedwing is, is ons so gefokus op wat oral in die wêreld gebeur dat ons aandag maklik afgetrek kan word van wat Jesus persoonlik vir ons kom doen het. Terwyl baie van ons tot stilstand gedwing is, is dit die ideale tyd om net weer ons harte voor God stil te maak en tyd met Hom te spandeer om opnuut weer Sy stem en leiding te ervaar. Ons is innig dankbaar vir elke gebedstryder en ondersteuner wat volhou om te bid vir elke werker in die AEB. Graag deel ek met u in kort wat F.B. Meyer geskryf het oor die Kruisiging van Jesus:

Joh 19:17 “And he bearing his cross went forth into a place called the place of a skull, which is called in the Hebrew Golgotha:
Joh 19:18 Where they crucified him, …”

Just outside the city gates, beside the main road, was a little conical eminence, which from its resemblance to a skull was called in Aramaic, Golgotha, and in Latin, Calvary. As we speak of the brow of a hill, they called the bald eminence a skull. The three languages in which the inscription was written stand for religion, government, and science. Note that every one of us is unconsciously writing his verdict about Jesus Christ; and when once it is written, there is no altering it. We may be forgiven, but the past cannot be obliterated.
The clothes of the crucified were the perquisite of the soldiers. But Christ’s were so poor that they were not worth keeping entire, except the inner tunic, the gift of someone’s-it may well have been His mother’s-love. What a contrast! Above, the consummate evidence of love working out the plan of eternity; below, the appeal of ignorance and brutality to chance.
Love made Mary brave to encounter the tragedy of that scene. The sword, as Simeon had foretold, was piercing her soul, Luke 2:35. Jesus knew how lonely she would be. He had neither silver nor gold, but could at least secure her a home and tender care. As the cross was elevated but slightly from the ground, His words could easily reach the little group. He chose the title, Woman, rather than “Mother,” lest identification with Himself should bring her insult.
It is to this paragraph that the soul turns when oppressed with the consciousness of guilt. The light-hearted world, which has never known the terror of a sinful conscience, turns from it as from a tragedy of woe and blood, but the repentant sinner presses from this vintage the wine of life. We stand beside thy Cross, O Son of God, and worship in adoring love, as we behold thy tenderness to thy mother, thy devotion to Holy Scripture, and the majesty of thy last cry of victory. It is finished-the Saviour’s work of redemption and the ground of our salvation. What is there left for us, but to hide in the cleft of His pierced side, and to seek the cleansing of the water and the blood?

NUUS UIT DIE VELD

Spesiale gebeurtenis: Daar is groot opgewondenheid oor die geboorte van ‘n tweeling in die AEB. Die trotse ouers, Daniel en Maria Marais van Upington wat werksaam is in die Oranje-Rivier distrik. Ons gebed is dat die Here hierdie twee seuntjies se lewens ryklik sal seën.
Algemeen: Feitlik alle aktiwiteite het tot stilstand gekom en alle Paaskonferensies is gekanselleer. Dit het egter nuwe inisiatief gelei en verskeie boodskappe sal op die internet beskikbaar wees. Sien meer besonderhede op die media bladsy.

Uit Noord- & Suid-Gauteng: Taylor en Annelize het reeds vier kosbare Jeug en kinder bybelstudies ontwikkel wat in ‘n JPEG formaat beskikbaar is.Voor die Inperking het Taylor by Spur gepreek. Na die tyd het die kelners ewe plegtig vir hom ‘n R200 voucher oorhanding en met ‘n kort toesprakie dankie gesê vir die geleentheid terwyl so min van hulle ooit op Sondae kan kerk toe gaan. Ons eer die Here vir Sy getrouheid om Sy Woord “te stuur” na wie Hy wil.

VRYSTAAT: Albert Potgieter skryf van die redding van ‘n kosbare siel tydens ‘n onlangse uitreik.
Ek onthou hoedat die hoof my verlede jaar vertel het hoe bekommerd hulle oor ‘n sekere kind is, weens die dinge waarmee sy betrokke is. En hier staan sy voor my na ‘n uitnodiging. Ek vra toe vir haar hoekom het sy agter gebly en wat in haar lewe aangaan. Sy sê toe dat sy nie meer so kan aangaan (met haar sondige lewe) nie, en dat sy op ‘n punt is om haar saak met die Here reg te maak. Ek kon my ore amper nie glo nie. Ek het toe die voorreg om saam met daardie meisie te bid, nadat sy bitter diep sondes bely het, en haar na die Here gelei.

NOORDWES: Mev. Alta Swanepoel skryf: Deur ons kosbare Here Jesus se genade dra Hy ons deur en versterk ons dag vir dag. Joggie het weer die voorreg gehad om by ‘n gemeente te preek. Die Here het waarlik in die gehoor se harte gewerk en daar het 5 mense agtergebly vir redding. Prys Jesus wonderlike naam wat van sonde verlos. Ons het die vrouekamp na 22 -24 Mei geskuif. Bid asb. saam dat daar ’n kragtige werk van die Here sal wees.

WES-KAAP: Tydens ons laaste Straat-uitreik in Stellenbosch het ek maar net weer opnuut besef dat ons met ‘n geslag jongmense sit wat in ‘n groot mate eintlik ‘n onbereikte groep is wat werklik weinig of niks van die evangelie van Jesus Christus weet nie. Nog nooit was daar so ‘n wye verskeidenheid geestelike aktiwiteite op ‘n Sondag soos nou in ons land nie – in groot kerke, in skoolsale, in huise, in ons industriële gebiede of ander vergaderplekke – en tog was daar nog nooit so ‘n diep geestelike duisternis in en oor ons land soos nou nie. Die rede: die blote afwesigheid van die evangelie van Jesus Christus! Ons huidige generasie (jonk en oud!) het dringend ‘n eietydse openbaring van die Here Jesus en Golgota nodig!

NATAL: Roy Daniel wrote: A 22-year-old white man who was a manager at a store cried after I gave a short Bible study on how to know you are saved. He said “One week back I did not believe in God. I am an atheist who has never been in church or read a Bible. One week back I almost lost my job and I prayed to God and said, ” God if you exist show me”. I then got a text message within the next 5 minutes that was sent to me by mistake from USA Pennsylvania saying I am praying for you. I took this to be God as I had never had anyone sent me a text on prayer before. I asked the person in USA what to do and he texted I should read John and attend a church. I asked around about churches and was afraid to come on a Sunday as there are so many people. My friend in a Baptist church said I could come to the smaller Bible study for starters. So, I am here, and I know God exists. I only can remember a few verses from John, but I want this salvation you are talking of, I just don’t know what it is can. It was so wonderful to help him further, pray for him and give him a sermon on salvation to listen to. He is now attending that church and excitedly in contact about the sermons we gave him. One week back he hated God and would never have set foot in a church.

NOORD KAAP: Ian Waterson skryf: Ons het waarlik ‘n baie goeie tyd in Orania gehad. Die Here is besig om deure in die dorp vir ons oop te maak asook guns in die harte van die mense te gee. Ons het goeie besoeke gehad. Dis met hartseer dat ons verneem het dat tannie Eve de Meyer na haar ewige tuiste is, by die Here Jesus Christus. Daar was ‘n dankdiens gehou om vir die Here dankie te sê vir haar lewe. Was wonderlik om te hoor dat die lieflike geur van die Here Jesus in haar lewe was. Ons is dankbaar teenoor die Here vir hoe Hy ons guns gee in die harte van die mense.

AEB CONVENTION SPEAKER: Keith was recently privileged to preach at three very fruitful outreaches which were arranged by the Heart Cry for Revival in SA which were held in Pretoria, Kempton Park and Roodepoort. These were followed by a Revival Convention in Pennington, Natal, in which a good amount of souls responded for salvation. He has since been recording messages for the Christian Radio Broadcasts here in Natal and will be preaching live on the internet over this Easter weekend in a live broadcast being arranged by America.

In Sy liefde
Frans & Erica Gericke

Oorwin deur gebed

Julie 7, 2019 / aebadmin

Liewe Gebedsvriende

Ons eer die Here vir die wonderlike tye van seën die afgelope tyd tydens konferensies en uitreike op verskillende plekke in die land. Baie dankie vir u gebede en ondersteuning wat die hande van elke werker omhoog hou maar ook instaat stel om voort te gaan in die roeping waarmee God hulle geroep het.

“Goed is die Here vir die wat op Hom hoop, vir die siel wat Hom soek. Dit is goed om in stilheid te hoop op die hulp van die Here.” (Klaagl. 3:25,26)

Dit was die uur toe neerlaag onvermydelik geskyn het dat Josua in die gebed voor God alleen gestaan het, en die antwoord was ‘n glorieryke oorwinning oor die vyf konings. Dit was die ure toe Elia met God gemeenskap beoefen het wat vuur uit die hemel gebring het wat Agab oortuig het dat die Here God was. Dit was die ure wat Jona in die diep see in die maag van die groot vis met Hom deurgebring het, wat hom voorberei het om vir die mense van Nineve bekering te preek. Dit was die ure wat Daniël in die bo-kamer alleen met God deurgebring het wat hom ‘n vors onder mense gemaak het en hom ook in die leeukuil gered het. Dit was die ure wat die dissipels in die bo-vertrek op die Heer gewag het wat hulle in staat gestel het om met Pinkster drieduisend siele in die Koninkryk in te preek. Dit was die ure wat die apostel Paulus alleen in die gebed deurgebring het wat hom in staat gestel het om Felix te laat bewe en koning Agrippa te laat uitroep: “Jy beweeg my byna om ‘n Christen te word!” Dit was die ure wat Gladstone alleen in die gebed met God deurgebring het wat van hom die wyse en veilige leier van Engeland gemaak het. Dit was die ure wat Spurgeon alleen in die gebed vertoef het wat van hom die grootste prediker sedert die dae van Paulus gemaak het. – Chas E Cowman

“Die ware oorwinning in alle diens word vooraf in die geheim deur gebed behaal. Diens is die insameling van die resultate.”

Nuus uit die veld

Vrystaat:
Jeugkamp: Die Here het 20 kinders gestuur waarvan klomp uit kinderhuise kom en absoluut stukkend en gebroke is. Ons harte was so seer om te hoor wat met baie van die kinders gebeur het. Een seun was baie soekend en het omtrent met elke diens gereageer. Een van die werkers kon saam met hom bid en ons glo met ons hele hart dat die Here vir daardie jongman iets kom doen het. ‘n Ander meisie het teenoor ons as werkers oop gemaak en ons kon duidelik agtergekom het dat die meisie se sonde besig is om haar te pla. Sondagmiddag met middagete was ‘n baie moeilike tyd. Baie van die kinderhuis kinders was in trane, hulle wil nie terug gaan kinderhuise toe nie. Een jongman het gevra of hy nie maar by Mispa kan bly en ons terug kinderhuis toe gaan in sy plek nie.

Wes-Kaap:
Paaskonferensie: ‘n Hoogtepunt was ongetwyfeld Saterdagoggend se diens toe heelwat mense op die uitnodiging reageer het om vervul te word met die Heilige Gees. Ons kon na die tyd in die Gebedskamers saambid en die Here in die geloof daarvoor vertrou.
Rhodé het van die kinderdienste help aanbied en Saterdagaand die voorreg gehad om saam met ‘n dogtertjie te bid wat haar lewe vir die Here gegee het.

Namibië:
Paaskonferensie: Ek glo almal se hoogtepunt van die naweek was Saterdag middag. In die Namibië hitte het die Here ons so tasbaar kom besoek met Sy teenwoordigheid. Talle mense het na vore gekom met ‘n begeerte om opnuut die standaard van heiligheid te gaan uitleef. Ons loof die Here vir ‘n jongman vir wie ons baie gebid het, dat die Here ‘n groot werk kom doen in sy lewe dié naweek. Terwyl ons gewerk het en gedink het aan alles wat ons moes doen tydens die Paaskonferensie, het ek Saterdagoggend besef dat ek so besig was met my eie dinge en gedagtes dat ek nie die Here toegelaat het om met my te praat nie. Daardie aand daal die Heilige Gees neer en praat so duidelik met my. Ek kon my verootmoedig voor God en weer die Here vertrou om my opnuut te kom vul met Sy Gees. Net daardie een oomblik het die hele konferensie die moeite werd gemaak.

Oos-Kaap:
Dit was ‘n baie geseënde konferensie. Elke boodskap het soos ‘n skerp lig in ons harte geskyn, maar dit was Saterdagaand se boodskap, wat ‘n hele groep mense vorentoe gebring het. Baie was in trane toe hulle hul harte voor die Here uitstort.
Ons het 29-31 Maart ‘n Junior Jeugkamp gehad. Ons het regtig ń wonderlike naweek saam met hulle gehad. Oom Theunis het die woord so mooi op hulle vlak gebring daar is nie een wat kan sê hulle het dit nie duidelik verstaan. Ons was nie lank besig nie voordat ons agter gekom het dat baie van hulle uit baie moeilike huislike omstandighede kom. Ons bid gereeld nog vir al die kinders dat die Here die na-prediker van Sy Woord in hulle harte sal wees.

Noord-Kaap:
Ons het ‘n geseënde week van uitreike gehad by ‘n hoërskool. Ons het altesaam 39 klasse gehad. Daar was woelige klasse, maar wanneer dit by die kruis van Jesus kom, kon mens ‘n speld hoor val. Baie kinders het erken dat hulle verlore is en dat dit hulle pla. Ons bid dat die Heilige Gees die oortuigingswerk in hul harte sal doen. Ons het afgesluit met ‘n jeugaand waar daar 50 jongmense was. Ons eer die Here vir diegeleentheid om aan ‘n verloregaande wêreld die goeie nuus van die Evangelie te kan meedeel.

Oranje Rivier:
Ons het verskeie dorpe in die distrik besoek, en kon geleenthede kry by verskillende besighede wat regtig wonderlik is. Na een van die geleenthede het die bestuurder saam na ons motor toe geloop om ons te kom vra vir die skrifverwysing waaruit Daniël gepreek het sodat hy dit self later weer kon lees. Daar is ‘n klomp plase wat ingeryg is langs die rivier en die oom by wie ons gebly het het ons verwys na ‘n paar wat ons in die toekoms kan gaan sien in verband met dienste vir hulle plaaswerkers. Ons het ook die laerskool en hoërskool gekontak en hulle was positief oor die moontlikheid van Saal openinge in die toekoms. Ons is baie dankbaar vir die groot oop deur. Ons het ook ‘n paar geleenthede in Upington gehad (o.a. diens vir straatkinders) wat ook baie goed gegaan het.

Convention Speaker:
The tour in Southern Gauteng ending with a special convention on soul winning were a great privilege to be part of and we believe that much fruit resulted for God’s kingdom.
The Northwest Easter Convention at Betesda was attended by a lovely group of young Christians mainly and it was a joy to sense their excitement in and out of the services.

Noordwes:
Vaaldriehoek Veldtog: Dié was ‘n uitreik wat ek kan getuig dat die Here gewerk het. Die een oggend toe ek ‘n boodskap bring by ‘n skool vir Gr. 4-klas, het ek na die tyd ‘n uitnodiging gemaak, en daar het twee kindertjies uitgekom en gesê hulle wil hulle harte vir die Here gee. Ek het toe met hulle gepraat en op die ou end saam met hulle gebid. My hoogtepunt van die uitreik was die laaste Sondag diens gewees. Nadat die boodskap het die Here my kom bemoedig deur ‘n jong man waarmee ek gepraat het en hy getuig het dat die Here my gebruik het om hom na die Here te lei.”
Nog ‘n werker getuig: Een van die plekke wat vir my besonder geseënd was, was by ‘n laerskool waar daar 20 kinders gereageer het en saam gebid het vir redding. Een van daardie meisies het met ‘n erns persoonlik met my gepraat en die Here volkome vertrou om haar te vergewe. By een van die ouetehuise het ‘n ou dame die Here vertrou vir volkome sekerheid. In alles kan ek slegs die Here se Naam verheerlik.”
Ek het saam met ‘n oom en tannie gebid wat die Here vertrou het om hulle siele te red. Die tannie met trane in haar oë en die oom met ‘n ernstige glans in sy oog. Ons was ook by ‘n skool waar ons met nege kinders kon saambid.
Vrouekamp: Die boodskappe oor die vlinder het die hele proses vanaf wedergeboorte tot die heiligmaking en daarna aan ons verduidelik. Van die vroue het getuig dat hulle nooit weer dieselfde na ‘n vlinder sal kyk nie. Van die vroue het getuig van die groot werk wat die Here in hulle harte oor die naweek gedoen het.

Noord-Gauteng:
Pretoria veldtog: Tydens die uitreik het ons baie uitgereik tussen mense wat in soveel smart lewe. Die vraag het dikwels na my gekom; “Wie sal hulle kan verlos uit hierdie smart?” Die wonderlike antwoord was dan, die Here kan. Die laaste aand van die uitreik was egter vir my die hoogtepunt. Daar het ek die voorreg gehad om saam ‘n man vir redding te bid. Hy was so ryp vir die evangelie. Ek dank die Here vir die voorregom as mondstuk gebruik te kon word, asook dat dit Hyis wat siele red!
Nog ‘n werker getuig: Iets wat vir my ‘n nuwe en goeie ervaring was van die uitreik is die baie straatwerk. Ek het nog nooit regtig straatwerk gedoen soos wat ons dit op die uitreik gedoen het nie. Ek het dit op ‘n positiewe manier ervaar omdat ons by so baie mense kon uitkom, sien hoe die mense wat genooi is by die dienste opdaag was bemoedigend.
‘n Student getuig: Ek het tydens die week baie gegroei in my geestelike lewe en ook weer gesien hoe almagtig God is. Die eerste dag het ons van huis tot huis gegaan. By een huis het ek en ‘n ander student twee vrouens na die Here gelei en saam met hulle gebid vir redding. Wat ‘n bemoediging. Die hartseer van die week was ‘n tannie wat nie haar kinders kan vergewe nie, en daarom nie by die Here kan uitkom nie. Ook ‘n oom wat mens kan sien soekend is, maar daar is iets wat hom terughou.

VIR U VOORBIDDING

11-15 Mei – Danville reeks (Noord-Gauteng)

13-17 Mei – Ventersdorp (Noordwes)
15 Mei – CSV opening Kimberley
18 Mei – Damestee Pretoria tuine
17-19 Mei – Konferensie Pennington Natal
19 Mei – Eldoraigne Aftreeoord (N-Gauteng)
20 Mei – Hopetown Jeugaand
20-26 Mei – Potchefstroom
15-17 Mei – Cradock (Oos Kaap)
18-20 Mei – Tarkasstad (Oos Kaap)
21 Mei – Steynsburg (Oos-Kaap)
23-26 Mei – Burgersdorp (Oos-Kaap)
27-30 Mei – Aliwal Noord (Oos-Kaap)
25 Mei – 14 Junie – Glenvar studente Namibië toer
1 Junie – Hopetown manneontbyt
3-5 Junie – Kakamas (Oranje Rivier)
6 Junie – Pofadder (Oranje Rivier)
8-15 June – Rhinelander Annual Young Woman’s Convention – Mrs Jenny Daniel
7-9 Junie – Springbok (Oranje Rivier)
10-12 Junie – Kenhardt (Oranje Rivier)
3-7 Junie – Orania
9-12 Junie – Pinksterreeks Potchefstroom
17-21 Junie – Vakansie Bybelskole:
• Kimberley
• Velddrif
• Pretoria Tuine

24-28 Junie – Vakansie Bybelskole:
• Orania
• Potchefstroom

2-7 Julie & 15-21 Julie – Plaasbesoeke Noordwes
5-9 Julie – Sangveldtog Kaap
8-9 Julie – Raadsvergaderinge by Glenvar
10-14 Julie – Gebedskonferensie Glenvar

In Sy liefde
Frans & Erica Gericke

Hoofkantoor Bankbesonderhede

AFRICA EVANGELISTIC BAND
ABSA
Rek no.: 390 184 034

Dankie vir elke anonieme donasie vir die Hoofkantoor. Ons eer die Here!

Afrika Evangeliese Bond